Wix 同 WordPress 都做得好。呢頁唔比較功能數量,只講你實際會面對嘅四件事:邊個改、幾時改、出事搵邊個、有冇月費。
唔講呢段就唔誠實。
你想要每個像素自己控制、想即刻改、想要幾百個模板——Wix 真係做得到,而且唔需要等人。自己識用嘅人,唔應該搵我。
插件多、外掛多、識人技術支援多。如果你打算自己學、自己維護,WordPress 有優勢。
唔需要等交期。你想今日有站,今日就有。
Wix 張表單大體係寄去 email 就算。我做嘅係:自動入 Google Sheet、自動通知你、自動出一份 PDF 報價或收據、自動 WhatsApp 通知客人。呢啲要接工具,唔係拖拽拖得到。
唔使同客服隊鬥智鬥力、唔使等插件更新、唔使睇論壇。你 send 一個訊息,改嘢有一個價、一個交期。有人負責,係你呢類客最需要嘅嘢。
檔案交你,冇平台費、冇授權費、冇「唔續就熄站」。改嘢照價目收,唔改就一直唔收。
| Wix / WordPress | 我 | |
|---|---|---|
| 改一個字 | 你自己登入改,幾分鐘 | 你自己改(我教你),或者 send 我,$300 起 |
| 加一個功能 | 裝插件,可能要加月費,可能撞版 | 我報一個價,寫明交期 |
| 出事 | 客服(多數英文、多數等) | 一個訊息,我修 |
| 費用結構 | 月費或年費,加插件另計 | 一次性;之後只有網域同主機,直接俾供應商 |
呢個表唔講價錢,因為價錢要按你需要計。你講你嘅情況,我報一個數。
你想自己控制每個位、每星期都會改、唔介意學介面、唔需要人跟尾。
你或者你同事有技術底、打算自己維護、需要大量插件功能。
你唔想學、唔想等、唔想同客服糾纏,而且想要「表單之後自動化」呢部分有人幫你砌。