首頁 / 常見問題
FAQ

九條問題,
直接答。

呢九條就係最多人唔敢落單嘅原因。答完你仲有疑問,去查詢頁填表。

06

常見問題

呢九條係最多人問。答唔到你,直接填表問。

要幾時俾錢?

報價確認後收 50% 訂金開工,睇完貨滿意先付尾數。唔收「先做後付」,亦唔會做完才加價。

可以改幾次?

交付後 6 個月內免費改 3 次(每次 30 分鐘內,同一範圍)。之後小型修改 $300/次、一小時內 $600/次,開工前會講明。改範圍(例如加一頁)當新項目報價。

最後交啲咩俾我?

完整檔案、網域同主機帳號(全部喺你名下)、10 分鐘螢幕錄影教學。你唔需要識寫 code 都改得到文字同相。

一年後你唔做,我點算?

靜態網站任何人都接手,我交嘅係標準檔案,唔綁任何平台。系統類(預約、會員)我會俾原始碼同資料庫匯出,並寫一份「點樣接手」文件。

可唔可以只做一頁?

可以。$2,800 就係一頁加表單自動化,唔需要買五頁。多數客人就係由一頁開始,之後再加。

之後想加功能點算?

逐項報價,唔會「睇情況」。小型修改 $300/次,一小時內嘅改動 $600/次,加新流程 $1,200 起。交付後 6 個月內有 3 次免費修改。詳情見 售後與修改。

網域同主機點搞?

我幫你開同設定,帳號用你名,控制權係你嘅。費用直接俾供應商:網域約 $150/年,主機 $0–450/年(靜態站可以更平)。我唔收年費、唔收維護費,亦唔會因為你冇續約而熄站。

同 Wix、WordPress 有咩分別?

唔比功能數量,比四件事:邊個改、幾時改、出事搵邊個、有冇月費。Wix 適合想自己拖拽、即刻改嘅人;我適合唔想學、唔想等、要「表單之後自動化」有人砌嘅人。睇完整比較。

點解可以咁平?

因為我唔養業務員、唔租寫字樓、唔開電話會。成本低係結構性,唔係交貨偷工。你可以先睇六個示範再決定。